قصيدة العنود احلى من بدر التمام

لا بغيت اوصف حبك ماتكفيني الحروف
ولا بغيت اوصف غلاك خان باحساسي الكلام

حبي لك يانور عيني فاق بالحب الوصوف
حبي لك اكبر من اني اوصفه بشوق وغرام

لو روحي في هواك تروح ماجاني حسوف
ولا يجيني احساس ان حبي على مثلك حرام

طيفك اللي لا لفاني قلت ياحيّ الطيوف
يابعد ربعي وخلاني ويابعد كل الأنام

انت ساكن في قلبي والبشر كلهم ضيوف
انت في عيني.. والعنود احلى من بدر التمام

ماحبي لك بفحش(ن) وربي العالم اللي يشوف
اني احــبك لوجهه يوم يحشر الناس حوله قيام

تدرين لو الناس كلهم وقفوا ضدي وقوف
والله ما اتدمر بغلاك حتى لو زاد الملام

جيت برتب لك عزتك وصففت اشواقي صفوف
من كثرها ياغلاتي اختل فيني كل النظام

واعرف لو رحلتِ بيوم من سبة الظروف
يعني برجع مثل مايرجع للبيت الحمام

في النهاية لي كلمة(ن) وكلها اربع حروف
بس والله معانيها تعدي اي كلام

ايه "احبك" دام عندي انتهت كل الوصوف
مالقيت الا احبك شفتها احلى ختام

بعد الصلاة على النبي الي حبه داخل الجوف
و ربي خليله محمد يزيد عليه السلام