افضل قصيدة عن زواج الاجانب

قصيدة تتكلم عن معاملة الناس للأجانب ..
واللذين يتزوجون النساء الأجنبيات
تفضلوا

اشعر بالناس واشعره

جيت اعلن افتخاري للمحقره
جيت اتحدى واتصدى للحياة
الـى متـى تبقى حياتي مهجره
الى متى والناس بأردى صفات
ليه ليا جاك غريبٍ تستحقره
ليه لا نطق طلبته الاسكات
ليه لا انقطع قالوا احذره
وليه لا وصل قالوا قال هات
فيه من الخلايق ناسٍ تذعره
ناسٍ تهاب منهم تركن الثبات
سؤال وللي يجاوبه أبشكره
سؤال طلعت من ثمان جهات
ليه الغريب هنا حياته مبعثره
شذنب النطف بأجنبي الآمهات
شذنب هالضعيف من المحقره
شذنب الطفل من المظلومات
نطلب التقدير واحنا مانقدره
دام ابوه اخذ امه والناس شتات
سؤالٍ بالله عليكم شذنب المره
لاجا حظها ماردت الهبات
بنات هالزمن صعاب العشره
اليد ماده ماتقول الا هات وهات
شذنب الرجال يحظون بهالمره
يارجال الحق مابه الا هالبنات
قول الحق جيب الرجال مشفره
والزواج آلآف ماتكفي البنات
وماعاد صار يقدر يدفع مهره
يلجي للديون والقروض بات
انا من افتخر بامي وافشخره
انا من الزم امي واترك الحياة
انا من اللي يحقر الناس احقره
انا من تعلم بيد امي الصلاة
انا من اشعر بالناس واشعره
انا من تعلم يغلب الناس شتات
انا من تعلم من امه المعذره
انا من تعلم من امه السكات
انا من الناس يصبر واصبره
انا بيد امي تعلمت الثبات
والغريبه علمت الناس المذخره
والأجنبيه اذخرة الناس طيبات
الآجنبي قل الكلام بزمن الثرثره
الغريب مايعرف معنى السبات
حاشا للوطن مااذمه بظهره
بس عقول الآوادم سايبات
ياخذ الرجال مره مو اي مره
تعزه توقره وتعينه على الحياة
وناسٍ اجانب لكن كرامٍ برره
نسائهم حافظهم الله جليلات
نستحقر ناسٍ واحنا محقره
فتحنا لآنفسنا طريق الشتات
يعني يا ياخذ الإبن اللي اخبره
ولا يعامل كمعاملة بني العلات
الشرع محلل للرجل اي مره
واربع نساء باتفاق الديانات
طبعا هذا بالإسلام اخبره
دين اليسر حملته بهالأبيات
ليه نزعل من الحق وننكره
نستر احنا النساء من العراة
وترا العوانس بالوطن يامكثره
يسترها شرعاً ولاناهب التشريعات
ياعرب وين عقول المثمره
وين حاكمين الحلال بالتحريمات
انت قلت عيب فهذا المقدره
وان سكت فهذا خير الإسكات
يابني ادم الحب موجود بالفطره
اختلاف الآجناس ولا الشريعات
عالي جبل امل اجل حيل تجبره
وظروفه ماساوت اصابع الجماعات
يابشر حس بهالأجنبيه لو مره
وش ظرفها اللي حدتها على الجيّات
الآيام دواره وتجرجرنا جرجره
والنصيب مكتوب على الجبينات
احمد ربك الف مره واشكره
حامي الآعراض ورازق البنات
نهاية قصيدي الحب ستره
اذ الحب صادق مابه اي خلافات
بس لو نشغل عقولنا لو مره
ونفكر طريق الخير للنايبات
لكن ان كان وكنت مسخره
سو اللي يريحك ضميرك بسكات
لآن الضمير حي الحس بيعذره
وان مات الحس فعساك الممات
كون صاحي الحس والا اكسره
لآن اللي مافيه خير ليش الحياة

بقلم : فوزية الخنيــزان

ملاحظــة من الشاعرة فوزيــة : ماتحلل ولا تبيح من ينقل القصيدة بدون اسم الشاعرة

تستهلين تصفيق ناااار

مشكووورة ع مروورك والله الي تستااهل تصفيق نااار الشاعرة فوزيه
ع شعرها الاكثر من راااائع

اشكرك مجدد ع مروورك الذي عطر تصفحي

مشااااااااااااااااااااااااااااااااااء الله عليهااا الله يوفقهااا ياارب

» قصيدة ببتسم لك
» قصيدة حساااااااااااااااااااسة
» قصيدة سعى بنت الديار
» قصيدة الطيف
» قصيدة الدستور