قصيدة وشلون آردك لآنحدرت؟.!

بسم الله الرحمن الرحيم
السلام عليكم ورحمه الله وبركاته

قصيدة وشلون آردك لآنحدرت؟.!

سلام عليكم ورحمته الله وبركاته
قصيده
نبعت من قلب مؤلم .. وموقف محرج .. وصديق جاحد .. خرجت تلك الكلمات من فاه
حزين وقلب حنين فلم اجد من يصد لتلك الدموع غير قصيدتي هذه جعلتها هي من
تضمني وتدافع عني وترفع من قدري .. فتلك هي ..

وشلون اردك لا انحدرت؟؟

لاتحس يالغالي بندم
على فرقاك ماله ألم
جرحن وجاني من يدينك
هي صعبه يعني تلتئم؟؟
لا ياغلاتي مو غريب
الجرح يجي من قريب
هذا الزمن مابه عجب
يطعنك اغلى حبيب
مسمى الحبيب عندي اخوه
من شدته لطمت نفسي بقوه
رفعتك علم وتشوفني غبوّه
بصبر صبر حتى مجي النبوّه
خلاص..الصبر نفد مابقى شي
تلعب وتر الحساس بقلب حي
انتهيت.. لا لا تحسب اني غي
مقامك عندي صداقه رد سعي
رد جميل..وحبك لله انا له حبيت
غيره مااعرف..وانت كلش نسيت
دامك تعرف تنسى ودامك قسيت
مااستبعد عنك شي كلش سويت
الجذور تنكرها الفروع
وتالي تفكر بالرجوع
لا صرت تهوى الانحدار
لا عاد تحلم بالطلوع
دامك جرحت باللي تحب
ماظن فراقه شي صعب
انته اللي بديت المسأله
واليوم تحملي عتب!!
كم لي على شانك صبرت
لكن عقب هذا نكرت
وانت بعيني كالدموع
وشلون اردك لا انحدرت؟؟

بقلم : فوزية الخنيــزان

ملاحظــة من الشاعرة فوزيــة : ماتحلل ولا تبيح من ينقل القصيدة بدون اسم الشاعرة

» قصيدة حساااااااااااااااااااسة
» قصيدة سعى بنت الديار
» قصيدة استحيت ثم بكيت
» قصيدة الطيف
» قصيدة الدستور