لا تقول مااقدر

فلان استغفر و اذكر ربك ترى الذكر ما ياخذ منك شي و لا يلزمك

بحاجة و صدقني راح تتيسر كل أمورك

::>>الرد الدائم:مشغول..ما عندي وقت..ما أقدر ما أقدر ما أقدر!!!!

فلان و أنا أخوك لا تنسى صلاة الوتر ترى كلها ركعة وحدة و يحبها ربك

::>>الرد الدائم:مشغول..ما عندي وقت..ما أقدر ما أقدر ما أقدر!!!!

فلان يا الغالي حدك جالس ع التلفزيون الحين قوم صل الضحى قبل ما يروح وقتها تراها سهلة ركعتين و لا تاخذ منك خمس دقايق

::>>الرد الدائم:مشغول..ما عندي وقت..ما أقدر ما أقدر ما أقدر!!!!

فلان حبيبي الله لا يهينك من متى ما قريت لك قرآن؟؟ اقرا لو آية وحدة تستشعرها و تقراها بقلبك أحسن لك يا الغالي

::>>الرد الدائم:مشغول..ما عندي وقت..ما أقدر ما أقدر ما أقدر!!!!
وش رايك نناظر حلقة من برنامج ديني نستفيد و نكسب أجر و تراه الداعية هذاك اللي تحبه و تموت فيه

::>>الرد الدائم:مشغول..ما عندي وقت..ما أقدر ما أقدر ما أقدر!!!!
طيب تعال نجلس سوا في المسجد في محاضرة عقب العصر مدتها أقل من خمس دقايق صدقني ما راح تخسر شي

::>>الرد الدائم:مشغول..ما عندي وقت..ما أقدر ما أقدر ما أقدر!!!!
<<<<<<<<<<<<<<<<<<<<<<<<<<<<<<<<<<<
شفتوا؟؟ وش كثر هالأشياء سهلة؟؟ و لا تاخذ وقت و مع كذا دايم نسمع كلمة:

مشغول:وش اللي يشغلك؟؟ نظم وقتك و ساعة و ساعة و خصص جزء لدينك اللي ما في أسهل منه..مشغول بإيش أبي أعرف!!

ما عندي وقت:أصلا أغلب أوقاتنا لعب و نت و سوالف و نوم ما تقدر تخلي ساعة واحدة ع الأقل لأشياء سهلة زي اللي ذكرتها و لها أجر كبير بس دقيقة من وقتك الثمين

ما أقدر:لا تقول ما أقدر!! إنت تقدر و الله
لكن قول:ما أبغى إيه خلك صريح و قول أنا ما أبغى الأجر..ما أبغى أجاهد نفسي لو مرة واحدة و أتغلب عليها

من اليوم و رايح نبي نمسح كلمة ما أقدر و نحاول بكل الطرق و إن فشلت اعرف إنك..ما تبغى للأسف
دمتم بود

اي والله
بس انا عمرس ماقلت مشغوله عن الاستغفار صح اني مااردد ولكن اذا سمعت حد سيقول اقول معه
بارك الله فيك

الله يهدينا ويحسن خواتيمنا

لموضوعك الرائع

تسلمين يا الغالية كلامك صحيح

مررسي ع مروركم الذي عطر تصفحي